志雄哥正式策劃電影，要由同樣由他策劃的《古惑仔》漫畫熱潮說起，當年中學生個個身穿「洪興」、「東星」字樣T恤是為怕爛仔欺負，也可能為威水。江湖有傳「陳浩南」是志雄哥的寫照，他說：「講真一樣嘢，你話浩南係我原型，其實陳浩南係我哋將歷史上反清復明、紅花會嘅陳近南所改，不過政府話我哋唔可以用呢個名，所以改做陳浩南。」
兩個主要敵對派系一樣有故事，他說：「我手筆本來係東英，香港政府唔俾，就改做『東星』，魚嚟嘅。『洪興』亦都要澄清吓，呢啲社團都係冇嘅，其實喺《我在黑社會的日子》已經用。好多人錯覺，以為『洪興』係影射邊瓣，其實都係電影夢工場入面，天馬行空咁創作出嚟。」