吳尊昨日以代言人身份在旺角出席汶萊皇家航空40周年發佈會，被問做了代言人後，是否可以免費搭飛機？他笑說：「冇呀，連折扣都冇呀，只係有代言酬勞，不過航空公司畀咗個優惠我，如果行李超重唔會另收錢。」曾經與囡囡Nei Nei上親子真人騷的他，被問到近日吳鎮宇的兒子錄影節目時受傷的風波，吳尊說：「我嗰陣都好小心，成日喺囡囡身邊睇住，就算受傷賠番錢，佢都已經受咗傷，賠咗都冇用。」
剛與家人遊墨爾本的吳尊表示經常都會一家人出外，他還說：「如果次次去旅行都揼低佢哋，我自己都會唔開心，好似我去做嘢，食到啲好嘢，冇得同屋企人分享，都好似爭咁啲嘢。」雖然此行被fans全程直擊，不過他說：「我𠵱家都唔理得咁多，想去邊就去邊，如果唔係生活就冇晒意義！」
採訪：譚倩宜
攝影：陳俊強