女子組合少女標本昨日在商台宣傳新歌，袁紫僑（CoCo）、簡淑兒、許雅婷都有亮相。三人分別宣傳自己的歌曲，笑謂練歌時會唱了其他人的歌，她們說：「好似洗咗腦咁，練習時會好自然唱咗其他成員嘅歌。」曾與周志文拍拖的CoCo，近日舊愛傳花心被炒，問她會否幫忙找對方拍MV，CoCo說：「唔會特別擔心，佢咁大個人，唔會搵佢拍，幫人有好多種，唔使成日拉埋一齊。」