太極30周年演唱會香港站在5月尾開騷，前晚太極在九龍灣為演唱會綵排，他們公佈嘉賓名單，有黃秋生、陳慧嫻、溫拿樂隊和鍾偉強，他們說：「想請嘅朋友都嚟，其中有黃秋生，度咗好耐，搵佢嚟做呢個騷，好感動佢肯應承。」
太極又透露，會跟陳慧嫻合唱搖滾版《跳舞街》和《儍女》改編版《迷幻小儍女》：「old friend，very old friend，good friend都會嚟！預咗到時唱過12點。」嘉賓太多，太極有心理準備會棄歌：「到時預咗會棄歌，難得咁多朋友喺度玩，實唔捨得走，同埋今次唔似一個普通演唱會，好似成班人開party，似擺酒、請飲咁。」
採訪、攝影：王連連