香港人一放假就最鍾意拖篋外遊，預訂酒店網站 http://www.Hotels.com公佈咗一項酒店價格指數，去年外遊港人平均每晚酒店住宿花費1 ,075元，成為亞洲區最精打細算嘅客人榜排名第二，僅僅差65蚊，輸畀花1,010元、排名第一嘅台灣人。
網站又話，亞洲區酒店房價去年普遍都錄得下跌，好似港人常去台灣，每晚酒店費下跌5%至828元；當中港人最愛台北，每晚平均花費按年跌4%至882元。至於近年大受港人歡迎嘅南韓，港人去年平均住酒店花費就跌7%至890元。網站又話，跌巿中奇葩係日本，但港人去年赴日旅遊酒店消費按年上升4%，包括大阪（5%）、東京（4%）、福岡（4%）、那霸（4%）等，相信係去年日圓匯率大幅下跌。