英乙升班附加賽決賽將於周六舉行，由修安聯（圖）鬥韋甘比。雖然兩隊由實力及近況不相伯仲，但修安聯前線人腳始終較好，韋甘比正選門將又或續缺陣，平手盤可秤先修安聯。（球賽編號：星期六35；無綫網絡電視302台明日0:30am直播）
修安聯於聯賽以第五位過終點，於升班附加賽準決賽兩回合都只能於法定90分鐘打和對手，看似乎狀態麻麻；不過，要留意的是修安聯的附加賽準決賽對手是史提芬納治，實力遠勝韋甘比的準決賽對手普利茅夫，故不宜盡信戰果。畢竟，修安聯今役只缺後衞阿當湯臣，其餘主力如中場添連及前鋒巴利哥亞等均可候命，不難在韋甘比身上取得入球。另外，替修安聯掌帥的是菲爾布朗，布朗曾於2008年夏天成功帶領侯城升上英超，絕對是一名有料領隊，球迷宜備忘。
至於在聯賽得第四的韋甘比，今役雖然亦幾近「夫添」，但可能續有守門員恩咸缺陣，要由連治把關，這或令球員不敢放膽推前進攻，影響發揮，亦不宜過份高估。
賽制：兩隊若在90分鐘內打成平手需加時，如加時再和, 則互射十二碼決勝。文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive