早前撰文力撐警隊喺拉錯智障男一事中無過失，惹來網民炮轟嘅專欄作家屈穎妍，不滿報道事件嘅《明報》「點名撩事」後，宣佈停止為《明報》寫專欄，更呼籲罷買《明報》。
而佢老公林超榮決意共同進退，噚日喺《明報》專欄宣佈停寫，聲稱自己「工作太多，無暇寫稿」。
編輯室：棄不足惜
林超榮喺文中話，屈穎妍嘅一篇文章竟然惹嚟網上嘅「死亡恐嚇」，禍及家人，仲有記者「繼續挑撥，斷章取義，四處點火」，指社會言論風氣越來越惡毒，佢無法制止，「惟見一女子單打獨鬥，應該有一男士，護駕殿後，畫上美麗句號，作出共同進退」。《明報》噚日刊登題為〈告別專欄作家〉嘅「編輯室手記」，噚日就用也斯《半途》中嘅詩〈青蠔與文化身分〉回應，話青蠔浸染過甚麼湖泊，就會有甚麼內涵，「幾滴消毒的檸檬汁，看來也掩蓋不了那腥臭味，的確是四個字，棄不足惜」，仲寄語此處不留人，自有留人處，相信屈小姐會有「更遠大的未來」。