一條撐政改的短片，令7個學生飽受壓力，另一條「以屎論政」的反政改短片，卻令16歲名校少女Amber在網絡上成名。原來是東北一役敲醒了這顆少女心，發現立法會並非按民意而行，其後上街、參與佔領，再度近期拍片拒絕袋住先，「我覺得係啱嘅嘢、覺得有希望，我就去爭取」。
回校貼單張感染同學
今年16歲的Amber，就讀名校嘉諾撒書院。早前廣西社團總會將7個學生面試中支持政改方案的片段上網，Amber應網絡媒體記者朋友邀請，自拍一條約8分鐘短片，逐一反駁7位學生的觀點，有參與辯論比賽的她，用比喻名震四方：「我好肚餓，面前得一嚿屎同一碗白米，咁我係咪就要去揀嚿屎？而唔等白米煮成白飯？」她更反問建制派：如果提名委員會全是泛民，最終獲准出閘的也是泛民，選舉中一個建制派代表也沒有，是否「啃得落」？
16歲便政治覺醒，口若懸河舉一反三，好像有點匪夷所思，卻多得大人世界的荒謬。Amber說，東北發展一役敲醒了她，目睹政府為發展毀人家園，立法會建制派竟予以配合逆民意而行；去年七一，她首次上街，換來是政府充耳不聞，終於感到教科書在說謊：「返學時，我學緊議會係幫人民表達意見、發聲，但係點解我想講嘅，入面嘅議員好似聽唔到，我哋每日嘅投訴，政府都漠視，呢個議會係政府與人民之間嘅橋樑，係咪出咗問題？」
指沒一位議員「投得落」
她回校張貼政黨、政團單張，解釋學生為何要關心政治；她拍短片關心桂林夜市、政改，感染身邊同學認真思考及討論。
去年雨傘運動，她一開始便到了金鐘，放學則留守旺角，周末在佔領區過夜，一點一滴接近香港社會：「因為我知道，兩、三年後之後，我就要踏足呢個社會，到時我想個社會變成點、係靠我𠵱家去爭取、去改變。」
未夠秤在選舉中投票的Amber更指，現時70位議員，沒有一位「投得落」，包括社民連梁國雄：「其實之前有條片，佢（梁）會勸啲人唔好衝、坐番低，有好多人都話，其實幕後有好多Deal（交易），我哋都未必清楚。」即使發動雨傘運動的學聯，她也不相信：「佢哋口口聲聲話為呢個雨傘革命付出好多，但佢哋以前都會幫啲新移民嚟香港。」
■記者姚國雄