特首選舉落敗後，前政務司司長唐英年蟄伏三年，最近高調牽頭成立香港江蘇社團總會，理事會有如當年唐營翻版，唐唐仲喺成立典禮上強調，自己唔係想做造王者，但明言自己眼光唔錯，識搵政治人才。咁佢心目中，有潛質選特首嘅人係邊一個？唐唐日前接受雜誌訪問時笑笑口答咗句「劉鳴煒吖！」仲伴隨一輪笑聲。
劉鳴煒MW當年係唐唐嘅競選辦副秘書長；最近連特首梁振英都搵佢幫手，擔任青年事務委員會主席，可見MW係政圈搶手貨。點解唐唐覺得MW係特首可造之材？八方都好想知道，唔通覺得對方兼容性高，定係認同MW話，去少啲日本旅行睇戲兼且月儲3,000蚊，唔係冇可能上樓嘅創新思維？若要知道答案，就要等睇周六出版嘅《iMoney智富雜誌》。