高鐵毀村那一仗，輸了土地的菜園村村民的新居終於建成，但47台村屋缺電缺水。村民不是玩野營，苦等五年的落腳點，只差一步之遙的安樂窩，因電力提供無望未能成事。難道要學姓蔣的大媽嚎喊感恩，才有電力供應嗎？
菜園村距離你太遠嗎？不，831方案也是得個殼的新菜園村，石屎屋，交收了鎖匙，就是說，你是業主了。那末，還五行欠啥？
政府推銷袋住先，擺出就是這種嘴臉。唔住唔袋？一世都無！你這個買唔起堅尼地道豪宅的賤民，一屋一匙，入了屋，無電，點算？等政府提出優化吧。可是，政府不一定提出喎，要睇特首頭，你買住雞鴨鵝，等還神好了。
硬銷這個831呎空殼的地產中介勸你：屋能夠住人，住住先，有瓦遮頭，符合國際標準，住落，阿媽再幫你揀老婆。好了，要老婆，抑或要電？有得揀plan：a，屋＋幫你揀老婆但冇電（落閘方案）。b，冇屋＋冇老婆＋冇電（否決方案的下場）。c，冇屋冇老婆但有電（冇稅交的露宿者也能一人一票）。嘥電！講完！