內地銀行經常爆出客戶存款失蹤醜聞，以往個案通常係銀行職員私下以高息攬儲，事後走佬。但最近內地媒體又報道一批新case，銀行內部監管簡直形同虛設。事件暴露內銀管理低劣，難怪股價長期大落後。
最新曝光的，是工行（1398）石家莊分行存款失蹤事件，有不法分子假扮銀行職員，幫客戶開高息定期戶口，之後再交番存摺同網上銀行USB給客戶。結果今年到期後，有幾十個客戶發現存款已蒸發，俾人用網上銀行轉走，個USB原來係假嘢。
更離譜係建行（939）長沙分行，當地有房企老闆發現，在自己唔知情的情況下，名下突然多咗358個戶口。原來公司財務總監的老公係當地建行行長，借公司戶口來操作網上銀行演習，過程中有4億元存款失咗蹤，官司打到而家。
黃尹華