世界上居然有以失敗為榮嘅機械人對戰比賽？名為「積木廢柴機械人大戰」嘅比賽6月6號舉行，參賽者要親手砌出機械人「鬥廢」。
原來呢項比賽源自日本嘅「Hebocon 𪂇聡䈑肧」，去年7月首度舉行，開放畀廉價、無技術、低質量於一身嘅機械人參賽，過程極盡低能同抵死，影片上載互聯網後全球爆like，「積木廢柴機械人大戰」策劃人、網絡動畫團體DDED創辦人Albert睇過影片後好歡喜，決定喺香港搞番個，目標係「贏要感到羞恥，輸要感到驕傲」，笑稱「想贏？咁你就唔啱玩啦」。
Albert話佢哋會向參加者提供大量積木同積木用摩打等材料，參加者需要喺限時10分鐘內以僅有資源，組成或可用於對戰嘅機械人，其間唔可以駁電測試，再用1分鐘進行戰鬥，戰鬥時只能以操縱桿──一支膠飲管──接觸機械人，最先令對方失去戰鬥能力或令摩打分離者就win。比賽或觀戰詳情可到此專頁： http://www.facebook.com/feiclubhk。