中央真係話得班泛民冇錯㗎，成日勾結「外國勢力」。好似會計界立法會議員梁繼昌，呢幾日竟然請咗幫開英國國會議員嘅助理Benedict Maguire喺佢議員辦公室觀摩。查實阿Ben呢程「世界巡迴」工作實習計劃，香港只係其中一站，留幾日就走，下站去澳洲同美國。
本身係自由民主黨嘅阿Ben，佢老闆喺英國大選中落敗，所以有時間向世界出發，阿Ben覺得英國有義務多啲關注香港嘅事務，覺得英國若因要同中國做生意而唔理香港嘅人權民主自由，真係羞家。八方同佢講開香港嘅選舉文化包括「蛇齋餅糭」，阿Ben聽完話即時反問：「這算不算賄選？」