公民黨陳家洛噚日喺立法會預算案辯論發言、炮轟教育局局長吳克儉期間，立法會消防鐘突然響起，吳得掂同一眾議員即刻「逃離」議事廳，齊集立法會地下大堂吹水打發時間。家洛事後笑言，「我發言太惹火，辣㷫咗吳克儉，火都嚟埋」，一向火爆嘅黃毓民亦上前大讚陳：「你仲勁過我，仲火過我。」吳得掂被問到議員發言係咪太惹火時，大笑反問記者：「你覺得呢？」最終4名消防員同一部消防車喺火警鐘響後4分鐘抵達現場，經調查後確實無火警發生，消防鐘誤鳴原因則有待確定，立法會隨即復會。
內會主席梁君彥透露，得悉今次係立法會消防泵壞咗，引致誤鳴喎。