早排以英國大選舉行緊而對香港政改封口嘅英國駐港總領事吳若蘭，據知前日約咗一班泛民立法會議員食飯，有與會者透露，席間有人用廣東話向吳若蘭笑言，係咪要就政改「袋住先」？識聽廣東話嘅吳若蘭即場用英文澄清，指英國政府並無要求議員袋住先，只要求議員「eat first」，「因為工黨議員張超雄遲到，所以佢叫我哋食住先」。
據知除張超雄，民主黨單仲偕、何俊仁、民協馮檢基、會計界梁繼昌及公民黨湯家驊都有出席，菜式包括三文魚同魚子醬，席間無乜談及香港政改，卻大談英國大選結果，據知吳若蘭話英國工黨落敗後正重組，議員嚟緊可以留意吓。