【本報訊】亞洲高清協會會長李柏權表示，今年在電視機板面發展分高階的OLED及走中高檔路線的LCD兩大方向。其中LG主力發展OLED「Organic Light-Emitting Diode」（有機發光二極體），由於自體發光，屏幕可以做到很薄，而畫面亮度均勻，更接近原色，無論色彩、對比度都較LCD優勝。
價錢高未普及
李柏權表示，LG每年均推出新款的OLED電視機，隨着技術進步，電視板面越出越大及越纖薄，正如今次新推出的牆紙電視機，機身厚度不足1毫米，「對追求畫面極致的影音發燒友，有很大吸引力」。
李續稱，三星、索尼品牌則主力開發LCD電視屏幕，因靠背光板面發光，會因漏光而影響畫質，但今年全新開發的納米晶體技術，令顏色準確度、對比度大大提升，「畫質同OLED差距縮短咗」。
問及本港巿場對LCD或OLED電視機的接受度，經營A.V Consultant的李柏權表示，「啲客好現實，睇價錢，65吋4K OLED賣7萬蚊計，同一尺寸LCD賣平至少一半，就知邊個受歡迎啲。OLED技術勝但貴，等緊一個突破點，點樣降低價錢普及化」。
■記者蔡朗清