小米創辦人雷軍貴人事忙，冇現身金山軟件（3888）噚日喺珠海總部舉行嘅股東會，負責主持嘅管理層，大部份一味低頭篤手機，唔通同雷軍傳緊短訊？噚日發言最多嘅係首席財務官吳育強，金山創辦人之一求伯君都掛住做低頭族。另外有趣嘅係，佢哋全部着得好casual，唔似香港上市公司嘅管理層必定着西裝出席股東會。