周柏豪日前到新加坡舉行當地首個演唱會，並宣傳其最新推出的專輯《WHITE》，首次踏足新加坡的柏豪，賣口乖勁讚說：「之前一直想嚟旅行，嚟到之後覺得呢度好舒服好乾淨，歌迷仲非常之熱情，佢哋又友善又有秩序，畀我嘅印象好好。」
最近工作停不了的柏豪，去新加坡前因休息不足病倒，他說：「因為感冒把聲狀態唔好，擔心會影響演出，所以一直戒飲凍嘢，盡量食會令喉嚨舒服嘅嘢，好彩喺新加坡有足夠時間休息，又飲咗好多水，演出嗰日總算有番把聲，雖然未係最佳狀態，自己亦唔係好滿意表現，但歌迷好熱情，多謝佢哋畀咗我好多信心。」
撰文：皓騫