排名：雲高爾勝；得分：雲高爾又勝；失球數字，雲高爾再勝！橫睇掂睇，都唔知莫耶斯有乜好過雲高爾？其實是有的！就是轉會操作。雖然可能只因管理層關水喉，但無論如何，莫耶斯在任時只作過兩個貴價收購：費蘭尼與桑馬達，到今季仍證明是球隊主力，收購失敗比率是零：反觀雲高爾，法卡奧是失敗個案；迪馬利亞也不算成功；在這環節，莫耶斯暫勝2:0；如最終留不住迪基亞，雲高爾將輸到0:3。
曼聯球迷一定記得，舒米高離開之後，保斯尼治與泰比怎樣令曼聯防線驚心動魄，令費Sir翌年不得不豪花780萬鎊收購巴夫斯；而巴夫斯走後，由侯活、卡路爾把關的曼聯亦連續三年失落冠軍；直至找到雲達沙，曼聯始能再建王朝。門將一環，對曼聯來說有多重要不用多說。我認為迪馬利亞、甚至朗尼都賣得；最不可放走的卻是迪基亞。若最終未能挽留，將是雲高爾第三個失敗的轉會操作。
當然，有時「人」不是你想留便可留住。踢皇馬，可能始終都是西班牙球員的夢想吧？且慢！迪基亞明明出身自馬德里體育會，應該自小就對死敵皇馬恨之入骨，怎會轉會皇馬呢？但你可能說：「踢皇馬，人工同捧盃機會都高啲，所謂『死敵』，係兒時無謂執着，你唔係咁天真嘛？」你啱。成人世界，名譽、金錢先最實際，還有其他比這些重要嗎？
方栢翹
now足球評述員