有唔少電影嘅經典場面令人印象難忘，成人電影都唔例外，早前日本著名AV女優京香Julia嚟咗香港，為「關懷愛滋」活動拍攝一套名為《愛之素男日誌》嘅宣傳片，片長約5分鐘，佢喺入面重現多場經典AV場口，用輕鬆幽默嘅手法帶出關注性健康，並呼籲男士為自己同伴侶着想，要用安全套同定期做身體檢查。短片會喺聽日（21日）中午網上公開，今日睇住部份精采場面先，男主角由商台監製毫子演出。
被上下其手
京香喺片中會以不同身份現身，喺「人妻」中佢演放蕩妻子，扮借豉油色誘鄰居；而喺「時間停頓」中，毫子借用停頓器嘅幫助，對心儀女神京香上下其手。
不過要數到京香最性感嘅造型，自然係女教師同醫師嘅打扮，佢擺出各種誘人姿勢展現媚態；喺「教師授業」中，佢教學生A for Aids、C for Condom時，一名學生做出疑似自慰嘅動作。京香早前受訪時話覺得「人妻」嗰場最膾炙人口，仲話：「我最想做人妻那一幕，在門口按鐘。」大會希望藉此喚起大眾關懷愛滋病。
撰文：馮仁昭
（短片網站連結： https://www.facebook.com/gutsarmy?fref=ts）
