亞冠盃16首回合周二開打，兩支主場出擊嘅南韓球隊，竟然都贏唔到，陷入出局危機。全北汽車同FC北京（北京國安）場波，就喺尾段被對手一腳爭議性嘅12碼，追和1:1，而水原藍翼就輸埋，2:3不敵柏雷素爾。
全北呢場波，開賽踢到13分鐘就已經攻破國安大門，巴西外援李安納度喺左路一腳罰球吊入禁區，畀金基熙捕到靚位，升高用後腦一撐，個波飛向遠柱入網。其實，我求大俠對全北開紀錄先絕對唔意外，因為直至入球前，佢哋一直壓住國安嚟踢。
之後國安開始企穩陣腳，同全北拉成均勢，完半場前本身有機會追和，但菲素拉賀竟然門前炒飛機，結果要踢到完場前七分鐘，先至靠球證誤判，由巴達拉射入12碼追和。睇番慢鏡，當時球證吹罰全北守衞李在明侵犯菲素拉賀，但其實前者係踢到波在先，令國安最終可以喺作客先保不敗，但我就戥全北唔抵。
柏雷3:2挫水原
至於水原場波就多入球睇，半場已經輸緊1:2，換邊後，柏雷素爾嘅李安度蒙迪拉梅開二度，將比數擴大到3:1，即使鄭大世之後幫水原追近比數，最後都係輸2:3，主場失咗三個波，下周次回合作客要淨勝兩球，先有機會翻盤。
識睇，一定係睇足英台【英波Live】：
http://soccer.appledaily.com
http://bit.ly/engballlive