財政司司長曾俊華早前喺記協晚宴話，如果政改唔通過，李柱銘同陳太兩位前輩，會退唔到休，到時又要飛嚟飛去。陳太向八方透露，原來佢當晚已經同鬍鬚曾講，如果真係關心佢同馬丁，好容易㗎咋，就係快啲交出一個有選擇嘅政改方案，「通過之後，我相信，我同Martin都可以過啲更悠閒嘅日子」。
點悠閒法？陳太話當日退休時曾經講過，希望退休後可以去意大利Tuscany學煮餸，陳太笑住話：「退休咗10幾年都未達成呢個願望，如果政改方案通過，我可以退出政壇！」陳太四萬咁口大讚鬍鬚曾好風趣，但不忘話對方當晚演辭提到唔少社會問題，都係政府一手造成。