「人總需要勇敢生存。」這不單是陳奕迅歌曲「明年今日」的歌詞，亦是經歷過喪親﹑離婚﹑中風，甚至截肢的信叔（53歲）做人座右銘。盡管命運如此，他仍要提醒自己，笑著下去：「有命活著，做人應該盡量適應生活帶嚟嘅不幸，希望往後日子，會過得好過呢一刻。」
記者：馮詩媚
「爸爸十幾年前中風，併發症走咗，幾年後媽媽癌病離世，本來負責照顧我哋嘅大家姐，因腦麻痺又走埋。」因家族遺傳，腦部微絲血管比一般人幼細，當年做的士司機的信叔，30出頭已中風：「中風之後，企都企唔穩，休息咗兩年，諗住做的士替工，點知路又唔記得，連個客去邊都要問幾次，加上易倦，費事害人，最後都冇再揸車。」
手停口停，無法負擔太太和子女的生活費，10年前太太帶子女離開叔信：「搞成咁，仲邊有得要求人點對自己，雖然依家冇再聯絡，但佢其實已經好好！」他形容，一切回復平淡，但事實魘魔沒有離他而去；3年前，他步行回家時，突然感到左邊小腳痛楚，便到公立醫院中醫部排期作針灸療程，其間醫師指他的腳底有發黑現象，叫他做多些運動。
針灸一年多，信叔左腳不但沒見好轉，某天更痛得「入心入肺」，需轉往西醫檢驗：「報告話我左小腿血管閉塞，醫生叫我鋸腳，當時我掙扎成個月，不停諗『四肢健全生活都咁難，少咗隻腳仲可唔可以生活？』行唔到，瞓唔到，止痛藥又冇用，最後都決定鋸。」他指醫生說，不排除中過風的他，欠缺服用通血管藥所至。
樂觀的信叔，截肢後沒在意他人眼光，還打趣地開自己玩笑：「鋸咗腳舒服好多，乜嘢痛楚都冇晒！頭半年神經反射，個腦話畀我知腳板痕，好似仲有腳咁，姑娘話呢種叫鬼影腳。」傷口康復，他開始學習，運用醫院為他度身訂做的義肢：「最初醫生預計康復後，隻腳會萎縮至同義肢差不多直徑，但可能水腫同血液循環問題，隻義肢越著越痛，隻腳損晒又發炎，連斟水都要靠支撐架。」
他指，政府現時只一次性支助截肢病人訂製義肢，其間負責維修，重做合身的義肢必須自費：「希望換隻新義肢，到時可以去屯門醫院探小兒麻痺嘅二家姐，做義工，探望同我一樣嘅截肢病人，互相鼓勵下。」盼善長們的一點綿力，為信叔籌來1.5萬元，訂做新的左腳。
早前報道「信叔」個案後，「蘋果日報慈善基金」已從S0005「家居援助專戶」撥款為他添置煤氣煮食爐。餘款不足以支付購買義肢費用，亟待善長伸長援手，讓他開展新生活。
「信叔」捐款編號：C3846
網上捐款： http://bit.ly/1nQRthE