最近不同溫和泛民人士都提出政改改良方案，但人大常委會法工委副主任張榮順昨於深圳出席政改座談會，已將提名委員會的公司票改成個人票建議「打殘」。有泛民中人稱，原本所謂公司票改成個人票，只屬可以討論的起點，現在張一棍打死，對泛民來說無太多損失，反而可強化「北京冇誠意落實政改」的觀感，令更多中間市民死心，改為反對政改方案。
令中間市民死心
該泛民中人稱，參考坊間民調，將公司票改成個人票獲中間市民認同，泛民不可能一口拒絕，「雖然公司票轉個人票，仲有好多細節未明，好似個人票，係講緊董事定係一般市民可以投票？有幾多席提委由個人票產生？呢啲要傾清楚」。但既然有一定民意支持，泛民總不能「諗都唔諗、傾都唔傾」，所以擺出願意討論態度。
張榮順指提委會的公司票改成個人票，等同改變提委會性質，不能接受，對認為有關建議「啃唔落」，但又不能立即反對、企硬不討論的泛民來說，等同「救佢哋一命」，因若相信民調指，有關建議可提升政改方案民意支持度，「會為撐政改增加籌碼、為反政改添加壓力」，現在張卻否定建議，「令中間市民更睇清楚，北京冇誠意落實政改，令佢哋對支持政改、北京日後會改善死咗條心，令支持政改民意再跌，亦幫泛民拆咗個炸彈，唔使俾人成日追住問支唔支持公司票改個人票」。
季陶
周一至周五刊出