昨日滬指大升逾3%，有特殊意義。1999年5月19日，滬指突然爆升5%，到咗6月30日，短短一個半月升幅達66%，史稱519行情。在內地股市，成為超級大牛市代名詞。
A股去年底開始急升，已經有唔少人同16年前的519行情比較，因為背景好相似。首先，都係經濟增長大幅放緩；其次，都係外圍股市長期造好，A股則多年低迷。最重要係，兩次都是政策主導，中央放水，再加上央媒不斷唱好。
519行情如果重現，其實並非福音。當時亦是因中證監打壓基金、信託，1999年底A股急回，其後又經歷漫長熊市，直到2006年再啟動一輪牛市，進入下一次輪迴。如果歷史要重演，股民亦要記住2007年「530」事件，中證監夜晚突然宣佈加股票印花稅，滬指翌日跌逾7%。
黃尹華