沈卓盈男友麥偉汶前晚8點幾現身大坑，同一對男女友人食炸魚薯條，不過佢全程愁眉苦臉冇厘精神，唔知係咪因為上月同沈卓盈喺停車場鬧交時，用網球拍打爆車頭玻璃嗰件事曝光，女友嬲到𠵱家有關。
其間麥生一支公走出門口煲煙，佢下巴貼住膠布，今次唔知乜事有損傷，佢哋三個食完薯條再去飲嘢，但麥生都係木無表情囉！撰文：馮仁昭
