黃絲公僕噚日凌晨喺鬧市掛起「假普選真呃人」黃傘橫額，包括曾經係佔領區嘅夏愨道天橋。今次政府執法效率，勁過七警案多多聲喎，半日之內已經拆咗大半咯。
噚日一班黃絲公僕捱眼瞓，去勻港九新界天橋掛咗24條橫額，相信唔少讀者朝早返工途中都會見到。發起人K仔話，九龍嗰批banner，半日就畀人拆晒。
八方下晝都發現，夏愨道同紅棉路兩條橫額亦已經人間蒸發。據聞截止黃昏，元朗同港島東部份橫額仲「健在」。
不過呢班黃絲公僕，完全冇氣餒喎，皆因佢哋印定咗50條橫額，講到明遲吓會捲土重來，好似獅子山嗰條banner咁，不定期無限復活。