【本報訊】林榮順離世雖已近半年，林母至今仍未能走出陰霾。關注組指盲體會原說負責骨灰龕位費用，但最終卻嫌龕位太貴，未有成事。現時榮順骨灰仍擺放於長生店，每月數百元租金由家人支付，林母對此感到氣憤和難過，她希望最終能查出死因，為他討回公道。
母盼查清真相讓子安息
事隔近半年，林母對事發當日情景仍歷歷在目：「我仲記得嗰日早上我親自買早餐畀榮順，佢好精神，食晒先出門。」怎料下午5時突接獲教練電話：「（教練）話榮順頭暈、嘔，但叫我唔使過嚟；到6點又再打嚟，叫我即刻去醫院。」林母指當時女兒不在家，只好獨自落樓截的士，遇上下班時間及正下着雨，「當時好急好亂，去到醫院，我緊張到嗌唔出」。直至數小時後，榮順才從手術室推出來。
榮順留院多天後終告不治，喪子之痛令她大受打擊，記憶力大減，連月來她四出奔波，上門要求盲體會交出賽事錄影副本，但不得要領。總會不斷說榮順的死是意外：「但我嗰日喺總會睇翻比賽錄影，見佢都冇乜事。」林母現時最大願望是查清真相，讓榮順在天之靈得以安息。
■記者郭美華、莫家文