喺私人銀行界屬於「傳媒甜心」嘅周雯玲（Irene）有新動向。Irene最近離開工作8年嘅瑞信私銀，轉投瑞士寶盛私銀，做中港市場高級證券分析師。
Irene上星期一開始正式由九龍站ICC，去中環IFC返新工，Irene話，唔少投行朋友都喺中環返工，轉工後，跟朋友聚會的確方便咗，呢個竟然亦係佢轉工嘅最大原因，認真有趣！
Irene當年加入瑞信私銀，係經𠵱家亞太區首席投資總監范卓雲拉攏，兩人早年喺花旗共事過，一個做基金，一個做分析，算係老朋友。至於新工作同喺瑞信時性質一樣，上司係長駐新加坡嘅亞洲研究部主管Mark Matthews。
喺金融業打滾廿年嘅Irene話，經歷多個大牛市，今次升勢理據最充份，佢只係估唔到，放咗一個月假，個市就升足一個月，𠵱家最緊要係收拾放假心情，跟番同業對市況嘅研究報告，緊貼市場先得。