香港總商會舉辦嘅「香港總商會全程為您」活動，今年為10部電車換新look，以由積木砌成嘅香港大都會及象徵香港昔日繁盛漁港嘅古老漁船「鴨靈號」為主題，上周五開始喺港島區穿梭，5月29日仲請市民免費搭電車。
總商會仲搞埋攝影比賽，市民只要喺下月11日前將電車上包含任何總商會及參與會員商標嘅照片，上載至Instagram並hashtag#freerideday2015，跟住標籤以及關注HKGCCCHAMBER，就有機會獲得總商會送出嘅智能手機充電器一部。身為總商會總裁嘅靚女袁莎妮，日前仲拍住其他同事出動，喺換咗新裝嘅電車上擺V字手勢留倩影，教大家點樣影出合乎參賽資格嘅相。
八方好想知，如果參賽照片中有靚女，係咪會增加中獎機會？