【本報訊】「出咗沙灘之後，冇返過嚟，我都知個仔凶多吉少！」32歲的劉俊杰，兩個月前在屯門龍鼓灘遇溺身亡，屍纏漁網。白頭人送黑頭人，劉爸爸現時仍未忘傷痛，有時出外經過傷心地，都會不其然停步，想起亡兒點滴往事！
記者：馮詩媚 攝影：麥超億
劉爸爸憶述：「嗰晚(3月27日)7點幾，工人(劉父胞兄的傭工)見到阿杰行出沙灘，之後同村兄弟聽到沙灘有人嘈交，嘈咗幾句就冇咗聲；佢哋話太黑，睇唔清楚係邊個。」當晚，俊杰沒有回屯門沙埔崗村的家，身為父親的他感到不安，徹夜難眠。
住所對出，便是兒子出事的沙灘，劉爸爸靜待天亮，到沙灘搜索：「出到去就喺灘邊見到佢隻拖鞋，跟住即刻報警。」警方及消防潛水員出動搜救：「消防搵咗兩日都冇，惟有收隊。之後，同村兄弟就駛架細船出去再搵，掟西瓜、燒衣紙，叫住佢個名。幾個鐘後，搵到俊杰屍體，當時阿仔畀棄置嘅漁網纏住。」俊杰是家中長子，不幸英年早逝，家中只剩下他和太太及30歲幼子。
任職地盤工的俊杰不諳水性，平日除下班回家大多躲於房玩電腦，家人不理解當晚他走進大海的原因：「佢冇拍拖，每個月畀5、6千蚊返屋企，唔似有經濟問題，我哋覺得佢可能撞邪。」這個解釋並不科學，但成為了家人心結的出口。
劉爸爸是圍村人，據習俗，家中有人離逝，要將死者生前所有物品棄掉；現在，俊杰曾住過的房間，已變得空空如也：「雖然我只留低阿仔一張相，但我個腦裡成日出現佢喺房打電腦嘅畫面，有時出街會無端端會行去沙灘，坐低諗吓佢生前嘅嘢。」
家人已為俊杰殮葬，但因圍村葬禮儀式較多及繁複，現時仍欠1萬5千元殮葬費，已退休的劉爸爸無力負擔。」俊杰走了，劉爸爸只盼善長助一臂之力，讓他辦妥兒子後事。
「蘋果日報慈善基金」已派員慰問，了解「俊杰遺屬」無力支付約1萬5千元殮葬開支，盼善心人能慷慨相助，助他完成其子後事，重新開展新生活。
「俊杰遺屬」捐款編號：C3895
網上捐款： http://bit.ly/1nQRthE