有經濟分析師上星期用鐵達尼號比喻全球經濟風險，面臨撞向冰山，經濟會像巨輪下沉，因為美國赤字債務高，刺激經濟嘅逃生板斧用盡。其實環球債市上星期都出現驚濤駭浪，以往長揸債券穩賺不倍嘅年代落幕。歐、美債券市大跌市，由短債燒到去長債。
德國十年期債息由4月中嘅低位0.049厘，上星期四抽升至0.774厘，不足一個月內十級跳，升幅近16倍。美國十年期長債息抽升幅度冇咁誇張，但短短一個月內亦升0.25厘到2.37厘高位。
各國債券價格持續跌，債息低企，對香港打工仔首當其衝影響係強積金，環球債券基金今年首季成為表現最差嘅強積金組別，星晨上個月報告話平均蝕0.97%，跑輸畀股票同指數基金。2008年金融海嘯後，全球多國央行推QE，壓低債息。同時，大量資金湧入債市，國債、公司債同垃圾債乜都買。債市扭曲，投資者借錢出街要罰息。瑞士央行指標利率為負0.75厘，放錢入銀行要罰息。瑞士2年、5年同10年期國債孽息跌到負利率，借錢同樣倒貼利息。
另一避險天堂黃金保值功能亦失色，受制美元滙率波動。Jan Straatman又話過往用作傳統資產計價按照無風險收益率嘅指標逐漸失靈，令股票同企業債等資產風險估價難上加難。
C+B
本欄逢周一刊出