【本報訊】同志遇到家庭暴力問題往往求助無門，甚至遭受部份有宗教背景的社工歧視、侮辱。爭取性傾向歧視立法陣線指出，本港現時只有約2%社工曾接受同志家暴訓練。有社工竟曾要求同志家暴受害人改變性傾向，或以「搞基係咁㗎啦」去回應，令同志感到被歧視。團體建議設立專門針對同志家暴的庇護中心。
昨日是國際不再恐同日，今年主題是「關注青少年」。不少同志青少年出櫃後，遭家人辱罵、限制社交活動、趕出家門，甚至暴力對待。
今年21歲的八爪中三時向家人「出櫃」，換來言語及肢體暴力，「佢哋好大反應，鬧我有病、變態，要睇心理醫生，仲俾屋企人摑！」家暴持續達兩年，「嗰時屋企人成日打我、攞凳掟我，又用粗口鬧我」，甚至實行經濟封鎖及禁止外出，「嗰時真喺好辛苦，唔知可以點，又唔知可以同乜人講，到底有乜人幫到我？」直至中六的一個晚上，他離家向香港彩虹求助，才逐步走出家暴陰影。
促政府增支援
今年20歲的Eugene，16歲時與前男友拍拖已有兩年，初時十分甜蜜，但踏入第三年，男友開始不時責罵他，限制他社交圈子，若他不服從，就威脅公開其同志身份，威逼對方繼續保持情侶關係，「佢唔畀我出街，話會掉晒我嘅嘢，又話如果我出去就同其他人講我係基嘅」。
Eugene憶述當時男友威脅：「如果分手，你小心啲可能我會傷害你。」那時候Eugene不敢向任何人求助，也不敢跟家人坦白，「我怕同社工講，佢哋只會將重點focus喺我係同志身份，而唔係我被家暴」。八爪和Eugene的經歷，顯示同志家暴受害人未能得到足夠保障。爭取性傾向歧視立法陣線發言人天風促請政府，開設專門協助同性戀者的家暴庇護中心提供支援。
■記者譚靜雯