今季英超最後一場前列大戰周日舉行，雲高爾領軍的曼聯在奧脫福擺陣，迎戰雲格的阿仙奴。曼聯雖有隊長朗尼倦勤，幸尹佩斯趕及復出倒戈，而且曼聯近幾季亦剋住兵工廠，所以今仗秤先爭入前三以直入歐聯的紅魔，平手盤捧主隊。（球賽編號：星期日41；now621台今日11:00pm直播）
在今輪比賽前，曼聯領先第五位的利物浦六分，得失球差亦大幅領先，聯賽第四位相當穩陣。不過，聯賽第三位可以直入歐聯分組賽，不用踢附加賽，相信曼聯亦不滿足於第四位，力求今仗挫敗阿仙奴，爭取打入前三名。
尹佩斯無恙倒戈
曼聯今仗有三大主將受傷缺陣，包括卡域克、朗尼及勞基梳爾，但球隊勝在陣容深厚，各位置都有具級數的球員作替補。雲高爾賽前表示，尹佩斯可以候命，今場有望取代朗尼踢單箭頭，倒戈舊會，而艾舒利楊格、費蘭尼、安達靴里拉及桑馬達四大中場無傷無病，估計會齊齊正選，支援尹佩斯。
雲帥還透露，馬高斯盧祖上周復操，相信今場會頂替梳爾踢左閘，讓戴利白蘭特可以繼續踢防中。防線上，儘管莊尼伊雲斯上陣成疑，但有菲爾鍾斯及基斯史摩寧坐鎮，曼聯守力仍可靠。
曼聯早前錄得三連敗，全因車路士、愛華頓及西布朗三個對手都大踢防守反擊，正中曼聯弱點，導致紅魔以控球為主的戰術失效，三場都無法取得入球。不過，阿仙奴也是控球型球隊，而且以雲格的作風，他絕不會改變一貫風格，相信有利紅魔發揮。再者，曼聯上輪作客險勝水晶宮2:1，終止連敗之餘並打破入球荒，相信會對球員的信心有正面幫助。
槍手征強隊勝率低
曼聯今季聯賽對前列球隊的成績不俗，尤其是主場，保持不敗，踢和車路士1:1，輕取曼城4:2，大炒利物浦3:0，而對熱刺亦贏3:0。儘管曼聯今季曾在英足盃，主場敗予阿仙奴，但翻查往績，若只計聯賽的話，紅魔連續七季主場對阿仙奴未輸過，取得六勝一和的佳績。
阿仙奴陣容完整，基奧特、阿歷斯山齊士、奧斯爾及艾朗藍斯等俱可出戰，實力不在曼聯之下，但兵工廠近來狀態回落，上仗主場對中游分子史雲斯，也是派出這套陣容應戰，但最後沒有入波，輸0:1。另外，阿仙奴今季英超作客強隊勝率不高，只贏過曼城2:0，對利物浦則打成2:2，而對車路士及熱刺以至修咸頓都輸波。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive