空姐係特別嘅行業，總覺得靚女空姐好容易識到才俊或富豪，國泰（293）主席史樂山嘅太太以前就係國泰空姐，成功搵到呢隻「潛力股」。喺國泰工作42年嘅前空姐兼儀容顧問林愛華（Iris）透露，富豪追求空姐的確好有計，一位本地富豪亦曾轉折送香水追佢。
男仔想識空姐，可以直接抄牌，問攞手機號碼，幾十年前冇手機，男仔亦較為含蓄。來自新加坡嘅Iris憶述，1974年國泰開辦香港直飛澳洲悉尼航線，佢係呢條航線7名空姐之一，「成日遇到同一位着恤衫嘅男乘客，佢屬運動型，見多幾次就有印象。」
有一次「恤衫男」忽然開口，問佢「你用嘅香水好特別，係邊隻牌子？」Iris禮貌地講出牌子就走開了 。