力爭三冠王的巴塞隆拿，周日西甲有望完成第一步，作客馬德里體育會只要贏波就可提早封王；就算「MSN」三叉戟之一蘇亞雷斯未必趕及復出，仍有力贏波而回，讓半/一照取上盤。（球賽編號：星期日43；now632台明日1:00am直播）文:牽牛
乘皇馬上周聯賽失分予華倫西亞，巴塞的榜首優勢已增至四分，餘下兩周聯賽只要勝出一仗就可封王；若球隊在周日勝出，更可專心備戰餘下西班牙盃及歐聯兩項決賽。雖然巴塞上周中需出戰歐聯四強次回合，並以2:3敗走德甲勁旅拜仁慕尼黑，不過一來首回合已大幅領先三球，加上尼馬該仗上半場已攻入兩個作客入球，下半場有留力餘地，故並沒有消耗太多體力。
前線着火防守穩陣
儘管前鋒蘇亞雷斯拉傷大腿肌肉，上周五未有跟隨球隊復操，今仗上陣成疑；幸MSN組合中，美斯及尼馬仍然大勇，盛傳不滿長居後備的柏度洛迪古斯今仗有望正選，更會珍惜上陣機會。巴塞防守力也強勁，近五仗聯賽皆保持清白身，門將哥迪奧巴禾功不可沒；加上球隊屬西甲「作客王」，18戰取13勝，近九場作客更取得八勝一和佳績，今仗讓得起主隊。
馬德里體育會雖然已告衞冕失敗，不過隨着第五位的西維爾在上輪聯賽失分，確保了前四歐聯席位。當然，今仗屬球隊主場謝幕戰，也不會「hea踢」，前鋒費蘭度托利斯也不希望巴塞在己隊主場開捧盃派對；但從陰謀論看，馬體會也未必出盡力幫同市宿敵皇家馬德里手。
馬體會季尾不復勇
自歐聯出局後，馬體會踏入季尾狀態實在下滑，連續兩場聯賽和波，上仗即使面對實力平平的利雲特也失掉兩球；雖然中堅高甸刑滿復出，但今仗又有中場堤亞高文迪斯停賽。以馬體會今季屢成巴塞「點心」，連同西盃三次對碰全輸（見附表），卡達朗主場威力也不及上季，無力阻止巴塞贏波封王，一於捧巴塞上盤。
識睇，一定係睇足英台【英波Live】：
http://soccer.appledaily.com
http://bit.ly/engballlive