【本報訊】這課咖啡拉花學堂由嗇色園與恒隆義工隊合辦。嗇色園活動程序員區家慶說，咖啡拉花對長者來說是新鮮事，「佢哋做咗幾十年人，識好多嘢。但拉花佢哋唔識，過程中有人教，肯去學，容易接受，做到出來（拉花）又可以同人分享成果」。尤其對獨居長者而言，平日鮮有交流，今次課堂可鼓勵他們走出社區，更有助凝聚一班志同道合的長者延續興趣。
義工：覺得佢哋好年輕
義工Zenobia首次服務長者，她跟瑞容一老一嫩齊學咖啡拉花，年齡不是障礙，「覺得佢哋好年輕，好有活力嘅一群」。她說咖啡拉花並非文藝青年獨享，長者也可跟貼潮流，甚至發展成興趣，「可能第日佢哋會同啲孫、仔女一齊嚟呢度（咖啡室）傾吓偈，或者聚會，對佢哋都係一種新嘗試」。
剛退休的蔡元源第一次到咖啡室，以前只在電視劇中看過，「《愛回家》入面孻姑咪有間咖啡室，𠵱家子仁開個工作室，一個沖咖啡，一個（負責）炒飯」。
他笑說以前做維修工作，習慣午飯到茶餐廳喝杯港式咖啡提神，退休後要轉換口味，「人食嘢嘅味道都要成日改變，唔係《基本法》50年不變」。
■記者王家文