李璨琛（Sam）接棒大佬孝邵仲衡繼續跟三位日本AV女優湊莉久、朝倉琴美、栗林里莉在尖沙嘴為PS4遊戲《人中之龍0》宣傳，李𤨪琛前晚以新遊戲「老鬼」角色現身，跟三位AV女優台上互動玩遊戲，其中湊莉久角色扮演，服侍李璨琛飲啤酒，李璨琛亦交足戲，表現受落。
李璨琛表示未有時間跟三位AV女優認識，他堅信太太不會詐型，被問到湊莉久餵他飲啤酒感覺爽不爽？他笑說：「記者餵我就仲爽，不過我冇睇過佢嘅AV，以前就多啲。」第一次獲邀擔任遊戲角色，Sam說：「第一次為電視遊戲配音，同拍電影有啲分別，要配好多被人打嘅聲，好多動作場面都配合番，因為好多動作都設計好晒，所以去到日本一日就搞掂晒。」
採訪：張俊銘
攝影：陳俊強