【本報訊】為期一個月的鯉魚門海鮮節今開鑼，鯉魚門街坊福利會推出連串優惠如送海鮮湯、免費泊車等，個別海鮮檔更買海鮮送海鮮。大會首次以國酒茅台配海鮮為主題，即場買茅台享八折及送出總值逾10萬元抽獎禮品。
記者：蔡朗清
主辦單位鯉魚門街坊福利會副理事長黃炳權表示，今年鯉魚門海鮮節今日起至下月15日舉行，共有19間酒樓食肆及30間海鮮攤檔參加，藉此向巿民或遊客推廣本地特色海鮮景點。新一屆海鮮節首次以國酒茅台為主題，讓客人嘗試以茅台配海鮮的滋味，「茅台夠醇，配合濃味嘅椒鹽瀨尿蝦，夠晒惹味」。他說，現場購買茅台可享八折優惠及參加抽獎，大會送出逾10萬元禮品，例如茅台、酒杯等。
黃炳權補充說，客人只要光顧參與海鮮節食肆，一律獲贈海鮮湯、糖水、免費泊車一小時等優惠。遊客來此食海鮮外，不妨到區內傳統特色店購手信，例如合桃、杏仁餅等，屆時也會以優惠價發售。
光顧食肆贈海鮮湯
參與食肆快樂漁港酒家負責人羅谷瑜表示，為配合海鮮節，酒家會向客人送出精製的海鮮湯、生果盤等，「我哋特色海鮮菜式包括芝士焗龍蝦配南瓜茸，以煎米粉底代替伊麵，喺外邊食唔到」。南大門海鮮酒家經理鄭國祥指舉行海鮮節，有助遊客了解本港特色海鮮勝地，「客人嚟酒家可試吓我哋秘製嘅燒汁大蝦，同埋用20幾種香料做嘅辣酒花螺」。在鯉魚門經營琦旺海鮮檔30年的黃志光表示，海鮮節期間購買海鮮的客人，均贈送蜆及花螺。
食家劉健威表示，食海鮮講求鮮味，食味淡海鮮如蒸魚等，一般會配白葡萄酒，「咁樣先唔會搶走海鮮鮮味」，而茅台的酒精濃度逾50%，酒味濃烈，則宜配一些味濃的海鮮菜式，包括椒鹽瀨尿蝦、辣蟹等，「咁樣互相唔會搶走對方嘅味道」。