【本報訊】早前有報道揣測吳光正退任九倉主席及董事職務，是為參選下屆特首做準備，他昨斬釘截鐵地說對選特首「零興趣」，又笑言：「你想我跳落去火坑呀？」但就承認身邊確有朋友有意參選，但拒透露姓名。盛傳同樣有意選特首的新民黨主席葉劉淑儀直言，吳口中的朋友「咪田北俊囉」；而田叫葉太「放心」，自言「冇能力」、「冇興趣」參選。
吳光正拒「跳落火坑」
吳光正稱自參選首屆特首以來，往後十多年一直不停被追問會否再選，每次都斷言否認，「我次次都話唔選，從來冇含糊，但好似冇人信我咁」，他再次否認會選特首，「我今日再重申一次，我吳光正唔會參加特首選舉，零興趣」，更指做特首「上中下、前後左右360度都俾人兜住晒」，笑言：「我先剛離開kitchen（熱廚房），你想我跳落去火坑呀？」
不過他承認身邊確有朋友有意參選特首，至於是誰及是否已曝光，吳即稱：「唔講喇！一講就擺人上枱。」又稱下屆特首最終有誰參選，目前仍有很多變數。
究竟吳光正口中有意參選特首的朋友是誰？葉劉淑儀昨直指是田北俊，「佢（吳光正）老友咪田北俊囉，田北俊想選（特首），好多人都知囉……田北俊係吳光正老友、長年老友嘛，所以我諗田生好有興趣」。葉太又稱商界想推更多相熟人士參選特首，「有啲名已聽過，例如陳德霖、梁錦松、陳智思都傳咗好耐」，對於她自己會否參選，葉太則稱「不評論」。
被葉太點名有意參選特首的田北俊，昨回應時表明不會參選，「叫葉太放心啦，我已講過我冇咁嘅能力，亦冇咁嘅興趣」，又指無聽過商界有意派人出來選特首。
■記者吳綺慧、林俊謙