雖然係華置劉鑾雄個仔，但劉鳴煒呢位外界眼中嘅「少爺仔」，就好少發脾氣。啱啱做咗青年事務委員會主席嘅MW，噚日接受前傳媒人張寶華嘅訪問，自爆由細到大都好文靜，好少發脾氣；就算幾咁不滿，都罕有大大聲表達情緒，今年只係34歲嘅佢，仲話年紀越大、脾氣越好喎。
講到要同青年接觸，少啲耐性都唔得，呢樣嘢卻難唔到MW，佢自稱耐性奇佳，指自己做飛行教練時，可以忍受學生嘅小錯，未必即時出聲，會包容地指正，但當然如果涉及Landing等會導致危險嘅錯就另計啦。佢話都好想約黃之鋒等學生領袖見面，但相信政改前夕，佢哋都好忙咯。有關訪問今日會喺Goyeah.com嘅facebook播出。