前F1車手拉夫舒密加前妻歌娜（Cora、圖），喺最新一期嘅德國版《花花公子》大解放，拍咗輯冇尺度嘅性感相。38歲嘅佢話，今年二月同拉夫分開之後，決定作新嘗試，去隆胸兼影裸照。另外，各車隊老細周四開會，討論分賬不均嘅問題，上季喺車隊榜得第四嘅法拉利收入最高，賺咗超過一億鎊；以無敵姿態稱霸嘅平治，竟然分得唔夠8,000萬鎊。