導演李力持前排為咗撐政改七情上面，幫梁粉網媒「港人講地」拍片，用笑話冇國際標準，鬧泛民要求符合國際標準同真普選係「念口簧」。同樣係導演嘅張堅庭就寫文反駁李力持，可謂徹底技術性擊倒李力持。
就住李力持以講笑話比喻冇國際標準呢回事，張堅庭用番拍笑片為例，話「在全球戲院上演都有笑聲，這是國際標準，對嗎？如只在香港有人笑，這是地方標準」，真係一針見血。其實八方記得李大導以前都出過好幾本叫做《真係笑話》嘅書，可見佢都會「真」嚟標榜自己啲笑話喇，𠵱家反而用「我要真笑話」嚟諷刺泛民要求真普選，反問「咁乜係真笑話呢？」係咪連自己都踩埋？