【本報訊】「每日做16個鐘頭工，雖然辛苦，但唔返工周身唔自然。」這番說話，不是出自熱血方剛、魄力充沛的青年，而是來自59歲的保安員笑姐。童年已開始出外工作，身為大家姐的她一向樂觀、任勞任怨，但農曆年前，右眼突然失明，揭發患上黃斑病變，擔心失去視力無法工作，正籌措兩萬元藥費，此刻她最擔心「返唔到工。」
記者：馮詩媚
「我10歲嗰年爸爸過身，因為對下有5個兄弟姊妹，最細嘅細佬先啱啱出世，我同阿媽要出去返工，養大佢哋。」當年做塑膠廠的笑姐，沒有童年；直到20歲出頭，便下嫁給年長18年的丈夫，不久還誕下兒子：「嗰時老公搵到錢，我就專心湊仔同打理家頭細務，到個仔讀中學，老公收入開始差，我就出返嚟做嘢。」
34歲那年，笑姐重投工作，售貨員、侍應、傳菜和雜工，她通通做過：「喺酒樓做侍應，返朝早7點到傍晚6點，經理成日話唔夠人，叫我留低做多幾個鐘，為咗搵多個錢，我都會留，加埋每日返成16個鐘。」收工後，她回到家還繼續做家務，照顧丈夫和兒子，兒子形容笑姐是沒半點鬆懈的超人媽媽。
直至3年前，她感覺右眼視力矇糊，以為近視加深，檢查後才知患上白內障，需動手術：「右眼做完手術，又發現左眼白內障，排期兩年，今年終於有位做(切除白內障)。」雙眼清晰在望。可是，農曆年前，她的右眼突然失明：「嗰晚睇睇下電視，右眼望唔到嘢，全部黑晒！嚇死我，第二朝即刻叫個仔同我去醫院check眼。」醫院報告指笑姐右眼患有黃斑點病變，其中一點更在她視網膜中央，以致看不見東西：「醫生話唔會好返，但亦唔好畀佢惡化，所以要打兩次眼針，控制病情。患上眼疾後，笑姐轉當保安員，工時雖長，但不必日做16小時。
笑姐丈夫早已退休，兒子要照顧妻兒，無法金錢上提供援助。「我同個仔加埋月入只有2萬，佢要照顧家庭，我要照顧退咗休嘅老公，藥費咁貴，負擔唔到。」自言「餐搵餐食餐餐清」，笑姐望籌得2萬元的眼針自費醫療費、及早醫治保住視力，繼續積極人生：「之前做白內障休息咗一日就返工，呢次打眼針，希望唔使休息咁耐。」
「蘋果日報慈善基金」了解「笑姐」的情況後，正協助籌募善款，盼獲好心人捐助，以免她錯過接受治療的黃金機會。
「笑姐」捐款編號：C3920
網上捐款： http://bit.ly/1nQRthE