2000年美國科網股泡沫爆煲前，市場曾用「click（點擊）貴過brick（磚頭）」來形容癲況，意指虛擬業務的科網股市值，已經大過搞磚頭的地產股。呢一幕而家又喺內地重演，據媒體統計，現時A股科網股四大龍頭，包括樂視網、蘇寧雲商、東方財富、恒生電子總市值已達5,314億元（人民幣．下同），高過地產四大龍頭「招保萬金」（招商、保利、萬科、金地）的4,640億元。
其中最大龍頭樂視網，市值達到1,526億元，位列滬深兩市第43位，其他排二、三位兩間科網公司，市值均超過1,400億元。
多家大型房企都喺香港上市，但科網股巨無霸包括阿里巴巴、百度都喺境外上市。所以整體科網股市值一定大幅拋離房企，click貴過brick，對股市有咩啟示，真係福禍難料。
黃尹華