潘源良嘅歌詞令人好有共鳴，每次唱呢首歌《留住我吧》都可以大合唱，好感人。其實最初錄呢首歌有故事，覺得唔啱我哋唱，嗰時細個覺得首歌唔夠型，不過監製黃柏高叫我哋唱咗先，我哋聽佢話唱咗，結果成為金曲之一，要聽有經驗前輩講嘢。
最鍾意佢寫林子祥《最愛是誰》，好有感覺，好夾到電影，寫愛情好到肉。佢寫情歌好浪漫，好顧及到女性心態。我哋合作機會唔多，好似只有《留住我吧》一首歌，因為當年太極主要搵因葵寫歌。
《留住我吧》太極
「你說過跟他早已不像話，你說過再不想見他，你說過喜歡聽我的夢話」
解讀：潘sir深受盧國沾、鄭國江影響，詞中盡見文學修養，並慣用副詞及修辭手法。《留住我吧》用了排比法去增強語氣，凸顯出唱者那份癡情。