周慧敏（Vivian）當年歌影視三棲，玉女形象深入民心，但原來玉女卻鮮有遇到寫情歌寫到出神入化的浪子詞人潘源良。Vivian早前接受本報專訪時說：「潘源良只為我寫過4首歌，當中最為人熟悉係《感情的分禮》，但我最喜歡嘅歌係《鋼線之舞》，呢首歌到今日仍然深得我嘅diehard fans喜愛，每次有演唱會，佢哋都希望我會現場唱呢首歌。」
Vivian大讚《鋼線之舞》旋律耐聽，加上潘源良填詞，比起一般歌曲百聽不厭，她說：「佢用好型嘅手法講故事，以踏鋼線比喻愛情裏面嘅冒險，不落俗套，又好有畫面同電影感，畀到演唱者同聽者好多想像空間。」Vivian更說每次都很期待與live band演繹這首歌曲。
攝影：周樂恒
服裝：Ports 1961
《感情的分禮》周慧敏
「在微涼秋季，望長夜星輝」
解讀：潘sir習慣先聽歌後配詞，《感情的分禮》曲調古典，且有種懸疑的不安感，他便聯想到愛侶間互相猜疑的危險關係，並配上「秋季」、「星輝」等富詩意詞語，既淒美又壯烈。