禮拜六沙田八草兩泥賽事，草地用C跑道，睇番最近4月12日同一移欄六場轉彎路程賽事，除了大熱門「勝捷勝」及大長途之「極速」係後上建功外，其餘清一色屬前置馬，好似「帶盈來」及「平天下」擺前帶到，另外「帝國驕雄」及「豈等閒」藉一檔之利守貼欄包廂位爆冷贏馬，具前速之馬匹仍要優先留意。
今戰列陣馬中，第七場「豈等閒」上仗正是於4月12日田C欄贏馬開齋，等番同一移欄先再跑決心添食。另外，第六場「健康真知」係全場唯一贏過田C欄1600米之參戰馬，轉倉初出即揀首本戲上陣，有力替霍利時省靚招牌。
至於兩場泥地路程皆為1200米，此程一向利擺前走嘅馬，最近就有「海紅寶」放頭及「飛龍駒」跟前建功，頭場「元豐泰」及尾場「控制者」等擅跑泥地之快馬可秤先。