人行周日減息，滬綜指周一升3%，上周五都升超過2%。恒指就好似冇咁熱烈祝賀，周一只係升百幾點，反而上周五就升近300點。
事實上，周日人行公佈減息之前，微博就已經流傳減息全文，有內地財經評論員話，佢上午已經收到。睇番個市表現，似乎消息早就喺上周五洩露。
其實春江鴨一向都唔係新事，個別公司有大消息公佈之前，都「無故」炒上，只係事後捉唔捉或者捉唔捉到嘅問題，但這只會發生喺個別企業管治較差嘅企業，受影響嘅投資者較少。但減息影響層面大，幾乎所有行業都會受惠，除非公司業務係將現金存入銀行收息，如果唔係直接間接上都會受惠，大陸無議息制度，亦都無定期議息，減唔減息完全係人行決定，所以這種消息更有保密的必要。
筆者記得喺7至8年前，大陸嘅經濟數據亦係會洩露，傳媒可以喺數據公佈之前得知，不單如此，就連一年一度的經濟工作報告，內容亦可在開會前一日、甚至兩日在報紙上見到，後來經中央一輪打壓嚴懲，至今已經絕迹，但點解而家又可以喺人行息口調整公佈上重生呢？
流氓