美林邨兇殺案警方拉錯人，當事人家屬昨日公開警方兩次錄口供的筆記。《壹錘定音》主持李慧玲認為，任何人看完這份筆記，很難不質疑警方的處理，認為警方至少要答兩個問題，第一是兩份口供何以有如此大差別，第二是警方是否利用當事人的缺憾「交差」。
慧玲認為，一般人看了昨日公開的兩份口供，第一個問題一定問：為何如此不同？她稱：「第一份口供冇哥哥在場，當事人幾乎乜罪都認晒，又話自己事發時候喺案發現場嘅美林邨，又話自己因為伯伯放狗所以推伯伯落地，仲睇新聞知道伯伯死咗，有前因、有後果、有劇情，最後仲好煽情咁講句『對唔住』，為成份認罪口供劃上完美句號。」
「但睇番第二份口供，呢份哥哥在場，當事人根本完全講唔到好似第一份咁完整嘅句子。同一個人，但兩份口供反映佢嘅理解能力同表達能力差好遠，一般人難免令人質疑，第一份口供有造假成份。」
熟悉警方做法的人士向《壹錘》表示，第一份口供通常是在拘捕現場即時問的，當時沒有筆錄，事後由警員憑記憶寫下，未必能夠逐字記錄，稱作「補錄口供」。律師指，如果真的放上法庭，未必能以造假證供使警察入罪。不過慧玲認為，即使該份口供不是虛構出來，警員提問過程肯定極具引導性，否則一名中度智障兼自閉症患者，不可能無故虛構出一個如此完美的犯罪故事。
慧玲續指，第二個問題警方要答，是從第二份口供清楚可見，警員落口供過程一定會發現當事人有缺憾，「但警員做咗乜呢？唔係話單單安排家人或者律師在場就得，你有冇諗過保障佢嘅權利、佢口供嘅可信性，抑或你利用緊佢嘅缺點去幫你快手快腳去完咗單案呢？呢樣嘢令人好憤怒。」她指作為一個警員，本來就有責任查明真相，如果對方有明顯缺憾，即使成功把一些說話套入他口中，都絕不代表那是事實。「好遺憾，睇口供筆錄睇唔到警方有任何努力。」
她批評，整宗案中警方在過程中犯下很多錯誤，警方高層比任何人都更應該查清楚真相。